د لوړ تناژ بار وړونکو وسائطو د وزن او ابعادو د کنترول دمقررې د تعدیل غونډه تر سره شوه
د عاليقدر امیر المؤمنین حفظه الله د ۲۴۱ کڼه او ۱۴۴۴/۳/۱۹ نیټه فرمان په اساس د لوړ تناژ بار وړونکو وسائطو د وزن د کنترول دمقررې د تعدیل غونډه د ترازو ګانو د رئیس مولوي احمد الله په مشرۍ ترسره شوه، چې د اړوندو ادارو او وزارت خونو نماینده ګانو هم په کې ګډون کړی و.
غونډه د قران کریم د څو مبارکو ایاتونو په تلاوت سره پیل شوه او د ټولګټو وزارت د ترازوګانو رئیس مولوي احمدالله و ویل: د عالیقدر امیر المؤمنین حفظه الله د فرمان په اساس د وزارت خونو او اداراتو قوانین او مقررات دې له شرعي پلوه و ارزول شي او نوموړي د لوړ تناژ بار وړونکو وسائطو د وزن او ابعادو د کنترول د مقررې په هکله مختصر معلومات وړاندې کړل.
په دغه غونډه کې د یادې مقررې په هکله له دیني او تخنیکي پلوه مفصل بحث وشو، ګډون کونکو هم خپل نظریات وړاندې کړل او فیصله وشوه چې په راتلونکې اونۍ کې به اړونده ادارې او وزارت خونې خپل نظریات په لیکلې بڼه رسماً د ټولګټو وزارت سره د مقررې د بشپړولو لپاره شریک کړي.
د ټولګټو وزارت رسنیز دفتر
