په کاپیسا ولایت کې د یو استنادي دېوال د بیارغونې چارې د ۴.۲ میلیونه افغانیو په ارزښت پیل شوې
د ا.ا.ا د ټولګټو وزارت له لوري د کاپیسا ولایت په الهسای ولسوالۍ د یو استنادي دېوال د بیارغونې چارې د ۴.۲ میلیونه افغانیو په ارزښت د کاپیسا ولایت محترم والي قاري احسانالله بریال، د یاد ولایت د ټولګټو رئیس محترم مولوي بحرالله بدري، سیمهییزو مسوولینو او قومي مخورو په شتون کې پیل شوې.
یاد استنادي دېوال ۱۵۰ متره اوږدوالی او ۶ متره لوړوالی لري، د بیارغونې چارې یې د ټولګټو وزارت او خصوصي سکټور تر منځ قرارداد شوې دي چې د دوو میاشتو په موده کې به یې کار بشپړ او ګټې اخیستنې ته وسپارل شي.
د یادونې وړ ده، چې دغه استنادي دېوال د روان کال د موسمي سېلابونو له امله ویجاړ شوی وو چې د ټولګټو وزارت له خوا د تلونکو خلکو د تګ راتګ ستونزو د حل په موخه د دې دېوال د بیا رغونې پروژه د روان کال په کاري پلان کې شامله شوه او اوس مهال یې عملي چارې پیل شوي دي، چې د کار په بشپړېدو سره به یې د سړک د تخریب مخه ونیول شي.
