د نیلي ښار دننه سړکونو د جوړولو چارې ۷۰ سلنه کاري پرمختګ لري
د دايکندي ولايت د نيلي ښار دننه سړکونه، چې ۸.۸ کيلومتره اوږدوالى او ۱۴ متره سور لري تر څنګ پلي لارې، چې اوس مهال یې د جوړلو کار له ۷۰ سلنه کاري پرمختګ سره دوام لري.
دا پروژه د څه باندې ۶۳۱ میلیون افغانیو په ارزښت د ټولګټو وزارت له لوري له یوه خصوصي ودانیز شرکت سره تړون شوي، چې مالي لګښت يې د هیواد له ملي بودیجې څخه ورکول کیږي.
د دې پروژې پلې کیدل د دایکندي ولایت د اوسېدونکې اساسي غوښتنه او اړتیا وه، چې د رغنیز کار له بشپړیدو سره به د دې ولایت د اوسېدونکو ګڼې ترانسپورتي ستونزې هوارې شي او د ښاري ګڼې ګوڼې څخه د مخنیوي ترڅنګ به د چاپیریال د ښکلا په برخه کې هم اساسي رول ولوبوي.
