په بادغيس ولايت کې د څه باندې ۴۹.۲ ميليونه افغانيو په ارزښت د سړک د ترمیم پروژه تطبیق کیږي
د ټولګټو وزارت له خوا په بادغيس ولايت کې د څه باندې ۴۹.۲ میلیونه افغایو په ارزښت؛ د فارياب - بادغيس - هرات لويې لارې اړوند د مقر دوراهي څخه پیل؛ تر بزبای تنګي پورې د ۶۵ کيلو متره سړک د ترميم او بيا رغونې کار چې د څلور پایو پلګټو، ۱۱۳ متره معبرونو او ۵۰ متره استنادي دیوال کار هم پکې شامل دي پیل او دا مهال عملاً جريان لري.
د يادونې وړ ده؛ چې د يادې پروژې په جريان کې د سيمي یو شمېر اوسیدونکو ته د کار زمينه برابره شوې او په بشپړېدو سره به يې په ياده لويه لار د تلونکو مسافرو د تګ راتګ ستونزې د پخوا په پرتله هوارې شي او خلک به په آسانۍ سره پر دغه لار تګ راتګ وکړي.
