د تخار ولایت د فرخار او ورسج ولسوالیو تر منځ د غځیدلي سړک کار ۷۴ سلنه بشپړ شوی
د تخار ولایت د فرخار او ورسج ولسوالیو تر منځ د غځیدلي سړک کار ۷۴ سلنه بشپړ شوی
لیندۍ ۲۶، ۱۳۹۹
دا پروژه د تخار ولایت د فرخار ولسوالۍ له لژده سیمې څخه پیل د ورسج ولسولۍ تر تنګي سیمې پورې غځيدلی سړک دی چې ۱۵ کیلومتره اوږدوالی او د پلې لارې په ګډون ۸ متره پلنوالی لري.
دغه راز یاد سړک په بیلابیلو اندازو کې ۷۴ پُلګوټې، ۴۸۴۵ کیلومتره مکعبه ډبرین لښتي، ۶۰۰ متره معبرونه او ۲۰۷۱ متره د ابولګولو یو کانال هم لري.
دا پروژه د څه باندې ۴۹۲ میلیونه افغانیو په ارزښت له یوه خصوصي ودانیز شرکت سره تړون شوي چې مالي لګښت یې د افغانستان حکومت له ملي بودجې څخه ورکول کیږي او تر دې مهاله یې د جوړولو کار ۷۴ سلنه مخته تللی.
د یادې پروژې د کار له بشپړیدو سره به د فرخار او ورسج ولسوالیو پر وصل سربیره د لژده، یوغ، غاشیب، مشتان، سرتنگ، پست آب، لوخیستان، پریانی ها، تګاب ترشت، پس قله، ویروف، یسکان، خاناقا، در حولي، سر شخ، پاپانی او قوندوز کلي له یو بل سره ونښلي چې په ترڅ کې به یې د یادو کلیو اوسیدونکې روغتیایي او زده کړو مرکزونو ته په اسانۍ لاس رسی ولري.
د دې تر څنګ به ترانسپورټي ستونزي هواري او مارکیټونو ته به پر وخت د کرنیزو توکو په لیږد کې مرسته وکړي.
د ټولګټو وزارت - کابل
